កសិកម្មនៅកម្ពុជា: ពូជស្រូវស្រាល 'ពពូល'

ពូជស្រូវ 'ពពូល' ជាស្រូវកណ្តាល (មិនប្រកាន់រដូវ) ដែលបានធ្វើការរំដោះ និងផ្សព្វផ្សាយដោយវិទ្យាស្ថានស្រាវជ្រាវ និងអភិឌ្ឍន៍កសិកម្មកម្ពុជានាឆ្នាំ ១៩៩៩ ។ បច្ចុប្បន្នពូជស្រូវ 'ពពូល' បាននឹងកំពុងប្រើប្រាស់នៅក្នុងព្រះរាជាណាចក្រកម្ពុជា ដោយពូជស្រូវនេះផ្តល់នូវទិន្នផលខ្ពស់ ។

លក្ខណៈពិសេសៗរបស់ពូជស្រូវ 'ពពូល'

ពូជស្រូវ 'ពពូល' ជាពូជស្រូវដែលមានអវេទរសភាពនឹងរយៈពន្លឺ (មិនប្រកាន់រដូវ) និងអាចចេញផ្កាគ្រប់ពេលវេលាដរាបណាលក្ខខណ្ឌដាំដុះអនុគ្រោះដល់ការលូតលាស់របស់វា ។ ពូជស្រូវ 'ពពូល' នេះមានអាយុកាលពី ១៣០-១៤០ ថ្ងៃ គឺចាប់ពីថ្ងៃសាបរហូតដល់ថ្ងៃប្រមូលផល និងកម្ពស់ដើមប្រែប្រួលពី ៩០-១១០ ស.ម ។ ដូចនេះពូជស្រូវ 'ពពូល' គឺសមប្របសម្រាប់ធ្វើក្នុងរដូវវស្សាក្នុងតំបន់ដែលមានជម្រៅទឹកមិនលើសពី ៣០ ស.ម និងមានប្រភពទឹកសម្រាប់ស្រោចស្រពបន្ថែម ។ ចំនួនដើមបែកផ្តល់ផលគឺចាប់ពី ៨-១៨ ដើមក្នុងមួយគុម្ព អាស្រ័យទៅតាមប្រភេទដី ។ ចំនួនគ្រាប់ក្នុងមួយកួរមានចាប់ពី ១០០-១៨០ គ្រាប់ និងមានប្រវែងកួរ ១៨-៣០ ស.ម ។ រីឯទិន្នផលរបស់វាវិញ គឺអាចទទួលបានចាប់ពី ៤.០ តោនទៅ ៦.០ តោនក្នុងផ្ទៃដី ១ ហិកតា ។ ពូជស្រូវ 'ពពូល' គឺជាពូជដែលធន់ទ្រាំទៅនឹងទឹកជំនន់ តែមិនសូវធន់ទៅនឹងនឹងពពួកមមាចត្នោតទេ ។

វិធីសាស្ត្រដាំដុះ

សម្រាប់ស្រូវសន្ទូង បរិមាណគ្រាប់ពូជដែលចាំបាច់គឺពី ៣០-៤០ គីឡូក្រាមក្នុងមួយហិកតា ប៉ុន្តែក្នុងករណីដែលគ្រាប់ពូជសុទ្ធ និងមានសុខភាពល្អ បរិមាណគ្រាប់ពូជ ដែលត្រូវការក្នុងមួយហិកតាគឺពី ១៥-២០ គីឡូក្រាមប៉ុណ្ណោះ ។ ដើម្បីឲ្យសំណាបដុះលូតលាស់ធំធាត់ល្អ គេត្រូវសាបគ្រាប់ពូជមួយគីឡូក្រាមលើផ្ទៃដីថ្នាល ១០ ម៉ែត្រការ៉េ ។ ទីសំណាបត្រូវធ្វើនៅជិតប្រភពទឹក តែត្រូវឆ្ងាយពីម្លប់ព្រៃ ឬកន្លែងមានភ្លើងអគ្គិសនី ដើម្បីជៀសវាងការបំផ្លាញពីសត្វល្អិតចង្រៃ ។ ជាការល្អគួរស្ទូងសំណាប ដែលមានអាយុ ២០-២៥ ថ្ងៃ ហើយក្នុងមួយគុម្ពចំនួន ២-៣ ដើម ។ សម្រាប់ស្រូវពង្រួស បរិមាណគ្រាប់ពូជដែលចាំបាច់គឺពី ៧០-៨០ គីឡូក្រាម ក្នុងមួយហិកតា ។ គួររៀបចំដីឲ្យបានល្អនិងរាបស្មើមុនស្ទូង ឬ ព្រួស ។ ការភ្ជួររាស់គួរតែធ្វើឲ្យបាន ២-៣ សារជាការល្អប្រសើរ ។ ប្រសិនបើស្រែអាចបញ្ចេញបញ្ចូលទឹកបានបន្ទាប់ពីស្ទូង ឬព្រួសបាន ២០ ថ្ងៃ អាចបញ្ចេញទឹកឲ្យអស់ពីក្នុងស្រែ ២-៤ ថ្ងៃ រួចបញ្ចូលទឹកថ្មីវិញ ។ ធ្វើរបៀបនេះ គឺដើម្បីធ្វើឲ្យស្រូវកាន់តែបែកគុម្ពល្អ ។

ការប្រើប្រាស់ជី

ការប្រើប្រាស់ជីសមស្របតាមកម្រិតណែនាំ នឹងមិនបណ្តាលឲ្យមានការថយគុណភាពគ្រាប់ស្រូវឡើយ ។ គួរដាក់ជី ២-៣ ដង ក្នុងមួយវដ្តជីវិតរបស់ស្រូវដោយ:

- បាចលើកទី១: ទ្រាប់បាតមុនពេលស្ទូងប្រើជីធម្មជាតិពី ៥-១០ តោន/ហត និងរួមផ្សំជាមួយជីគីមីដូចមាន ក្នុងតារាងទី ១ ។ សម្រាប់ពេលវេលានៃការបាចជីបំប៉ន គឺត្រូវធ្វើឡើង

នៅរយៈពេល ២០ ថ្ងៃ (បំប៉នលើកទីមួយ) និង ៥០ ថ្ងៃ (បំប៉នលើកទីពីរ) ក្រោយពេលស្ទូង ។

តារាងទី១: កម្រិតជីណែនាំតាមប្រភេទដី

ប្រភេទដី	ប្រភេទជី	ទ្រាប់បាត	បំប៉ន (គក្រ/ហត)
ប្រភេទដី		(គក្រ/ហត)	លើកទី១	លើកទី២
ដីខ្សាច់ (ដីព្រៃខ្មែរ ប្រទះឡាង)	អ៊ុយរ៉េ	៣១	៨៧	៦៦
	ដេអាប៉េ	៨៧	០	០
	ប៉ូតាស	១៣៣	០	០
ដីល្បាយឥដ្ឋ (ដីបាកាន អូរូង ទួលសំរោង គោកត្រប់ ក្រគរ)	អ៊ុយរ៉េ	៥២	១០៥	៧៩
	ដេអាប៉េ	១៣០	០	០
	ប៉ូតាស	៦៧	០	០
ដីឥដ្ឋ (ដីកំពង់សៀម ក្បាលពោធិ កៀនស្វាយ)	អ៊ុយរ៉េ	៥៣	៨៧	៦៦
ដីឥដ្ឋ (ដីកំពង់សៀម ក្បាលពោធិ កៀនស្វាយ)	ដេអាប៉េ	៣៩	០	០

ការប្រមូលផល

ត្រូវធ្វើការច្រូតកាត់នៅរវាង ៣០-៣៥ ថ្ងៃបន្ទាប់ពីស្រូវហាលផ្កាស្រុះ ឬពេលដែលប្រមាណ ៨៥ ភាគរយ នៃគ្រាប់ស្រូវទុំ ។
ត្រូវហាល ២-៣ ថ្ងៃដើម្បីបន្ថយសំណើមនៅក្នុងគ្រាប់ឲ្យនៅ ១៤ ភាគរយមុននឹងទុកជាការល្អ្។ សូមយកគ្រាប់ស្រូវមកខាំដើម្បីកំណត់ បើគ្រាប់ស្រូវនោះបាក់ គឺមានន័យថាគ្រាប់ស្រូវស្ងួតល្អអាច ទុកដាក់បាន ។
គ្រាប់ពូជ ត្រូវច្រកទុកក្នុងបាវក្រចៅដាច់ដោយឡែកពីគ្រាប់ស្រូវចំណី នៅកន្លែងដែលស្ងួតល្អ ហើយគ្មានការបំផ្លាញពីសត្វកណ្តុរ មាន់ទាជាដើម ។
ត្រូវសរសេរឈ្មោះពូជ និងថ្ងៃខែច្រូតកាត់ដាក់នៅលើបាវឲ្យបានត្រឹមត្រូវល្អ ។
ផលស្រូវដែលប្រមូលបានត្រូវទុកដាក់ក្នុងជង្រុកឲ្យបានល្អ ដោយការពារកុំឲ្យសត្វកណ្តុរ មាន់ ទា ចូលស៊ី និងមិនឲ្យទទឹក ។

កសិកម្មនៅកម្ពុជា

Wednesday, March 1, 2017

ពូជស្រូវស្រាល 'ពពូល'

No comments:

Post a Comment