នៅដើមរដូវវស្សាឆ្នាំ
២០០២ នេះ នៅស្រុកកំពង់ត្របែក ស្ថិតក្នុងឃុំគោកខ្ចក និងឃុំកន្សោមអកកសិករកំពុងជួបប្រទះបញ្ហាដង្កូវស៊ីស្លឹក
និងដង្កូវស៊ីរូងដើម លើពូជស្រូវក្រសាំងទាប និងអ៊ីអ៊ែរយ៉ាងធ្ងន់ធ្ងរ ។ ដើម្បីដោះស្រាយបញ្ហានេះ
អ្នកមីង ទូច ហ៊ីម ដែលរស់នៅក្នុងភូមិឃុំខាងលើ គាត់បានប្រើថ្នាំផ្សំពីរុក្ខជាតិកំចាត់សត្វដង្កូវ
ដែលដូនតាចាស់ៗ របស់គាត់ជំនាន់មុនតែងតែអនុវត្ត ហើយទទួលបានជោគជ័យ ។
ចំណែកវិធីផ្សំ និងរបៀបប្រើ បង្ហាញជូនដូចខាងក្រោម :
១. ធាតុផ្សំ : ទំពាំង (ឫស្សី) ម្សៅសាប៊ូ និងទឹក
២. វិធីផ្សំ : យកទំពាំងចំនួន ១ គីឡូកន្លះ សាប់តូចៗ បន្ទាប់មកយកទៅត្រាំទឹកក្នុងកូនពាងដែលមានទឹកចំណុះ ១០ លីត្រ រួចត្រាំទុកចំនួន ២ យប់ ។ ទឹកទំពាំងនេះមានប្រសិទ្ធភាពខ្លាំងនៅពេលយើងត្រាំវារយៈពេល ២ យប់ បើត្រាំលើសពី ២ យប់ ទំពាំងសាបលែងសូវមានប្រសិទ្ធភាព ។
៣. វិធីប្រើ : យកទឹកទំពាំងដែលបានត្រាំហើយចំនួន ១ លីត្រ លាយសាប៊ូម្សៅ ៣ ទៅ៤ ក្តាប់ កូរឲ្យសព្វរួចលាយជាមួយទឹកធម្មតាចំនួន ៨ លីត្រទៀត ។ បន្ទាប់មក យកទៅបាញ់លើស្រូវដែលកំពុងទទួលរងការបំផ្លាញ (បាញ់នៅពេលព្រឹកព្រលឹម) ។ ក្រោយពីការបាញ់ហើយ គាត់បានសង្កេតឃើញថា ដង្កូវខ្លះងាប់ ហើយខ្លះទៀតពុលសន្លប់មិនអាចធ្វើសកម្មភាពបាន ។ ការបាញ់ប្រព្រឹត្តទៅ ២ ឬ៣ ដង ទើបអស់ដង្កូវ ។
២. វិធីផ្សំ : យកទំពាំងចំនួន ១ គីឡូកន្លះ សាប់តូចៗ បន្ទាប់មកយកទៅត្រាំទឹកក្នុងកូនពាងដែលមានទឹកចំណុះ ១០ លីត្រ រួចត្រាំទុកចំនួន ២ យប់ ។ ទឹកទំពាំងនេះមានប្រសិទ្ធភាពខ្លាំងនៅពេលយើងត្រាំវារយៈពេល ២ យប់ បើត្រាំលើសពី ២ យប់ ទំពាំងសាបលែងសូវមានប្រសិទ្ធភាព ។
៣. វិធីប្រើ : យកទឹកទំពាំងដែលបានត្រាំហើយចំនួន ១ លីត្រ លាយសាប៊ូម្សៅ ៣ ទៅ៤ ក្តាប់ កូរឲ្យសព្វរួចលាយជាមួយទឹកធម្មតាចំនួន ៨ លីត្រទៀត ។ បន្ទាប់មក យកទៅបាញ់លើស្រូវដែលកំពុងទទួលរងការបំផ្លាញ (បាញ់នៅពេលព្រឹកព្រលឹម) ។ ក្រោយពីការបាញ់ហើយ គាត់បានសង្កេតឃើញថា ដង្កូវខ្លះងាប់ ហើយខ្លះទៀតពុលសន្លប់មិនអាចធ្វើសកម្មភាពបាន ។ ការបាញ់ប្រព្រឹត្តទៅ ២ ឬ៣ ដង ទើបអស់ដង្កូវ ។
ក្នុងការប្រើថ្នាំនេះ អ្នកមីងបានផ្តែផ្តាំថា នៅពេលកំពុងប្រើត្រូវប្រុងប្រយ័ត្នកុំឲ្យសត្វស្រុក
ដូចជា មាន់ ទា ជ្រូក ចុះផឹកទឹកក្នុងស្រែឲ្យសោះ ព្រោះអាចបណ្តាលឲ្យសត្វទាំងនោះងាប់ភ្លាមៗ
បាន ។ ដូច្នេះសូមបងប្អូនកសិករសាកល្បងនូវបទពិសោធន៍ខាងលើ ហើយនៅពេលប្រើថ្នាំត្រូវប្រុងប្រយ័ត្ន
ដូចពាក្យផ្តែផ្តាំរបស់អ្នកមីងទូច ហ៊ីម ខាងលើ៕
(ដកស្រង់ចេញពី ខេមបូឌាអេចបេ្រសញូស៍)
No comments:
Post a Comment