មុខងារ
និងការចែកចាយផលិតផលសម្រាប់ការស្វែងរកច្រកពាណិជ្ជកម្ម គឺជាកត្តាសំខាន់បំផុតសម្រាប់ផលិតករទាំងឡាយ
ដើម្បីធ្វើឲ្យប្រសើរឡើងនូវការលូតលាស់ ផ្នែកសេដ្ឋកិច្ចទីផ្សារ ព្រមទាំងការប្រកួតប្រជែងផ្សេងៗ
។ ម្ទេសត្រូវបានផលិត និងចែកចាយទៅដៃគូរពាណិជ្ជកម្ម គឺ គិតចាប់ពីកសិករ
អ្នកប្រមូលទិញ អ្នកកែចៃ្ន អ្នកលក់ដុំ និងអ្នកលក់រាយ
រហូតទៅដល់ដៃអ្នកប្រើប្រាស់ចុងក្រោយ ។ លំហូរនៃការលក់ដូរម្ទេសទៅដៃគូរពាណិជ្ជកម្មរបស់ក្រុមខ្សែសង្វាក់ផ្គត់ផ្គង់នីមួយៗ
មានតួនាទីផ្សេងៗ គ្នាគឺ៖
១- កសិករ
មានតួនាទីជាអ្នកដាំម្ទេស សម្រាប់ធ្វើការផ្គត់ផ្គង់ទៅតាមតម្រូវការទីផ្សារ
និងអ្នកប្រើប្រាស់ ។ កសិករត្រូវសិក្សាពីទីផ្សាររបស់ផលិតផលដែលខ្លួនគ្រោងនឹងផលិត
ហើយស្វែងរកអ្នកទិញផលិតផលម្ទេសទៅលក់បន្តនៅលើទីផ្សារ ក្នុងករណី ដែលមិនមានមធ្យោបាយដឹកជញ្ជូនផ្ទាល់ខ្លួនទៅកាន់ទីផ្សារ
។ បើមានមធ្យោបាយដឹកជញ្ជូនផ្ទាល់ខ្លួនគាត់អាចបញ្ជូនផលិតផលទៅកាន់ទីផ្សារ
ឬដល់ដៃអ្នកប្រើប្រាស់ផ្ទាល់តែម្តង ។ កសិករអាចជាអ្នកកែច្នៃផលិតផលម្ទេស ក្នុងករណីដែលតម្រូវការ
ផលិតផលម្ទេសសម្ងួតមានការកើនឡើង និងទទួលបាននូវតម្លៃខ្ពស់
សម្រាប់ផ្គត់ផ្គង់នៅលើទីផ្សារ ។ តាមលទ្ធផលស្រាវជ្រាវបានបង្ហាញថា ៦៤.៤ ភាគរយ
នៃផលិតផលម្ទេស ត្រូវបានប្រមូលទិញដោយឈ្មួញកណ្តាលយកទៅលក់បន្ត និង ៣៣.៧
ភាគរយ ត្រូវបានប្រមូលទិញដោយឈ្មួញយកទៅធ្វើការកែច្នៃ និងក្រៅពីនោះកសិករដឹកយកទៅលក់ឲ្យអ្នកលក់ដុំ
និងលក់រាយនៅទីផ្សារផ្ទាល់ ។
២- អ្នកប្រមូលទិញ ឬឈ្មួញកណ្តាល
មានតួនាទីប្រមូលទិញផលិតផលពីអ្នកផលិ
ស្វែងរកទីផ្សារដើម្បីនាំយកផលិតផលទៅផ្គត់ផ្គង់នៅតាមតំបន់ផ្សេងៗ ដើម្បីបំពេញទៅតាមតម្រូវការអតិថិជន
។ ផលិតផលម្ទេស ត្រូវបាននាំយកទៅលក់បន្តតាមរយៈអ្នកប្រមូលទិញ ៤៤ ភាគរយ
បញ្ជូនទៅអ្នកលក់ដុំ ៣២ ភាគរយ និងបញ្ជូនទៅអ្នកកែច្នៃមានចំនួន ២៤ ភាគរយ នឹងទទួលបាននូវតម្លៃខ្ពស់សម្រាប់ផ្គត់ផ្គង់នៅលើទីផ្សារ
។
៣- អ្នកកែច្នៃ
មានតួនាទីជាអ្នកផលិតនូវផលិតផលកែច្នៃ
ដែលបានវត្ថុធាតុដើមពីកសិករ ការសិក្សាទីផ្សារ
ជាកត្តាសំខាន់សម្រាប់ការផលិតនូវផលិតផលកែច្នៃ និងការរក្សាគុណភាពផលិតផល
ដើម្បីប្រកួតប្រជែងទីផ្សារ និងធានាបាននូវការផ្គត់ផ្គង់ទីផ្សារ ។
ការកែច្នៃផលិតផលម្ទេសស្រស់រួមមាន៖ ការសម្ងួតធ្វើម្ទេសក្រៀម ធ្វើទឹកម្ទេស
និងធ្វើម្ទេសជ្រក់ ។ ផលិតផលទាំងនេះ បានចែកចាយទៅអ្នកប្រមូលទិញ ៦២.៥ ភាគរយ
អ្នកលក់ដុំ ១៨.៧៥ ភាគរយ និងក្រៅពីនោះចែកចាយទៅតាមភោជនីយដ្ឋាន តាមទីផ្សារ
និងទៅ ដល់ដៃអ្នកប្រើប្រាស់ចុងក្រោយដោយផ្ទាល់
។
៤- អ្នកលក់ដុំ
មានតួនាទីជាអ្នកទិញផលិតផលម្ទេស
ពីឈ្មួញកណ្តាល ពីអ្នកប្រមូលទិញដោយផ្ទាល់ ឬពីកសិករ
បន្ទាប់មកលក់ចែកចាយផលិតផលទាំងនោះ ទៅគ្រប់អតិថិជន
ដែលទិញក្នុងលក្ខណៈជាអ្នកបោះដុំខ្នាតតូច ឬធំផ្សេងៗ ។ ទីផ្សារលក់ដុំផលិតផលម្ទេស
ដែលនាំពីអ្នកប្រមូលទិញ និងអ្នកកែច្នៃ ហើយលក់ទៅឲ្យអ្នកលក់រាយបន្ត
មានចំនួន ៤៨.៧១ ភាគរយ ទៅអ្នកលក់ដុំនៅតាមបណ្តោយខេត្ត ឬទីផ្សារផ្សេងៗ
នៅរាជធានីភ្នំពេញមានចំនួន ២៣.០៧ ភាគរយ ក្រៅពីនោះលក់ចេញទៅឲ្យម៉ូយតាមភោជនីយដ្ឋាន
តាមទីផ្សារ និងទៅដល់ដៃអ្នក ប្រើប្រាស់ចុងក្រោយដោយផ្ទាល់ ។
៥- អ្នកលក់រាយ
មានតួនាទីនាំយកផលិតផលពីអ្នកលក់ដុំ
ឬអ្នកប្រមូលទិញ ដើម្បីធ្វើការលក់ចែកចាយដល់ដៃអ្នកប្រើប្រាស់នៅតាមផ្ទះ
ភោជនីយដ្ឋាន ឬអ្នកលក់រាយដូចគ្នា ។ប្រភពសំខាន់សម្រាប់ការចែកចាយផលិតផលម្ទេស
តាមរយៈអ្នកលក់រាយ ត្រូវបញ្ជូនទៅដល់ដៃអ្នកប្រើប្រាស់ចុងក្រោយមានចំនួន
៤៣.៣៩ ភាគរយ ។
No comments:
Post a Comment