បច្ចេកទេសក្នុងការប្រមូលផលម្ទេសស្រស់
ការរក្សាទុក និងការផ្គត់ផ្គង់ផលិតផលម្ទេសដល់អកប្រើប្រាស់ ត្រូវបានគេលើកឡើងជាប្រធានបទចម្បង
សម្រាប់ជាការស្រាវជ្រាវឲ្យបានលម្អិតជាច្រើនទសវត្សមកហើយ ។ បញ្ហាតែងកើតមានដោយសារតែផលិតផលម្ទេសស្រស់
មានភាពរលួយមានកម្រិតខ្ពស់និងមានការប្រែពណ៌សម្បុរ នៅពេលនាំដល់ទីផ្សារ
។ ផលិតផលម្ទេសស្រស់ភាគច្រើនត្រូវខូចខាត ដោយសារតែការបាក់បែកនៅពេលដឹកជញ្ជូន
ឬការបំផ្លាញដោយសារសត្វល្អិត ឬពពួកផ្សិត និងបាក់តេរីផ្សេងៗ ។ បច្ចេកទេសគ្រប់គ្រងផលិតផលម្ទេសក្រោយពេលប្រមូលផល
គឺ ជៈការចាំបាច់ដើម្បីបញ្ចៀសនូវការបាត់បង់
ឬថយចុះទិន្នផល។
១- ការបាត់បង់ផលិតផលម្ទេសនៅពេលប្រមូលផល
ចាការសំខាន់ដែលកសិករគ្រប់រូបត្រូវមានការប្រុងប្រយ័ត្ន
ចំពោះការបាត់បង់បរិមាណផលម្ទេស នៅពរលប្រមូលផល ។ កសិករភាគច្រើោពុំមានបច្ចេកទេស
និងបទពិសោធន៍គ្រប់គ្រាន់ ក្នុងការប្រមូលផលម្ទេស
ដូចជាការប្រមូលផលម្ទេសពុំទាន់ពុំល្អ មានពណ៌ចម្រុះច្រើន
ការបេះម្ទេសមានការជ្រុះច្រើន ផ្លែម្ទេសមានស្នាមបំផ្លាញច្រើនពីសត្វល្អិត
និងជំងឺជាដើម (ចៃស៊ី និងស្នាមអុចខ្មៅនៅលើផ្លែម្ទេសបណ្តាល
ឲ្យម្ទេសចូចគុណភាព) ។
២-
ការបាត់បង់ផលិតផលម្ទេសនៅពេលដឹកជញ្ជូន
វិធីសាស្ត្រជាច្រើនសម្រាប់ការដឹកជញ្ជូនម្ទេស
ពីចម្ការទៅស្តុកទុកនៅផ្ទះ ឬនាំទៅកាន់ទីផ្សារ ច្រើនតាមរយៈការដឹកដោយរទេះគោ
ម៉ូតូ រឺម៉កម៉ូតូ ឬរថយន្ត ដែលងាយក្នុងការប៉ះពាល់ដល់គុណភាព ផលិតផលម្ទេស ប្រសិនបើយកចិត្តទុកដាក់ក្នុងវេចខ្ចប់ឲ្យបានល្អទេនោះ
។ ដើម្បីចៀសវាងការខូចគុណភាពម្ទេស នៅពេលដឹកជញ្ជូន គឺមិនត្រូវផ្ទុកផលិតផលជាគំនរត្រួតលើគ្នាច្រើនពេក
នៅលើមធ្យោបាយដឹកជញ្ជូន ត្រូវរក្សាកម្រិតចន្លោះរវាងសំពាធខាងលើ
និងខាងក្រោម ឲ្យមានខ្យល់ចេញចូលបានល្អ កុំឲ្យកើតមានជាកំណរញើស ដែលបណ្តាលឲ្យផលិតផលកើនកម្តៅរលួយខូចគុណភាព
។
៣- ការស្តុកទុកផលិតផលម្ទេស
ការរក្សាទិកផលិតផលម្ទេស
មិនបានល្អក្រោយពេលប្រមូលផល ជាហេតុបណ្តាលឲ្យម្ទេសស្រស់អន់សម្បុរ
មានការថយចុះ ឬខូចគុណភាព ។ មូលហេតុបណ្តាលមកពីការបេះម្ទេស
ដែលផ្ទុកសីតុណ្ហភាពខ្ពស់ពេក ស្តុកទុកផលម្ទេសក្រោមកម្តៅថ្ងៃ
រក្សាទុកម្ទេសយូរពេក មុនលក់ទៅឲ្យអ្នកប្រមូលទិញបន្ត
ឬនាំទៅកាន់ទីផ្សារយឺត ។
៤- ការវេចខ្ចប់ផលិតផលម្ទេស
គ្រប់ផលិតផលទាំងអស់មិនថាបន្លែ
ឬផ្លែឈើទេ គឺត្រូវមានបច្ចេកទេសក្នុងការវេចខ្ចប់ឲ្យបានត្រឹមត្រូវ ជៀសវាងការប៉ះពាល់ខូចទ្រង់ទ្រាយ
ប្រែពណ៌សម្បុរ និងស្អុយរលួយដោយសារការប្រើប្រាស់នូវសម្ភារៈ
ឬឧបករណ៍វេចខ្ចប់មិនត្រឹមត្រូវ ។
ម្ទេសត្រូវបានវេចខ្ចប់ដោយដាក់នៅក្នុងកញ្ជេ ថង់ច្រកអង្ករ ឬថង់ប្លាស្ទិច ដោយគ្រប
ឬចងមាត់ថង់យ៉ាងជិតទៀតផង ។ នៅក្នុងករណីនេះ ម្ទេសអាចត្រូវកើនកម្តៅ
និងបែកញើស ធ្វើឲ្យមានសំណើមច្រើននៅក្នុងថង់ ហើយស្ថិតនៅក្នុងភាពហប់ខ្យល់
អាចធ្វើឲ្យម្ទេសងាយក្នុងប្រែពណ៌សម្បុរ និងរលួយខូច ។
វិធីសាស្ត្រដ៏ប្រសើរក្នុងការវេចខ្ចប់
និងរក្សាទុកផលិតផលម្ទេសឲ្យបានល្អកុំឲ្យខូចគុណភាព ទាំងការស្តុកទុក និងការដឹកជញ្ជូន
គឺត្រូវផ្ទុកម្ទេសក្នុងកញ្ជេ ដែលមានទ្រាប់ដោយកម្ទេចក្រដាស
ឬស្លឹកឈើស្រស់ (ស្លឹកទុំ ឬខ្ចី) ។ បើច្រកក្នុងថង់ប្លាស្ទិក ត្រូវឲ្យមានរន្ធខ្យល់ចេញចូលការពារកុំឲ្យបែកញើសនៅក្នុងថង់
។ គ្រប់ផលិតផលទាំងអស់ត្រូវស្តុកទុកនៅក្រោមម្លប់ នៅពេលមិនទាន់លក់ទៅឲ្យអ្នកប្រមូលទិញបន្ត
ឬនាំទៅកាន់ទីផ្សារ ។
៥- បញ្ហាទីផ្សារផលិតផលម្ទេស
គ្រប់ផលិតផលទាំងអស់
មិនថាបន្លែ ផ្លែឈើ ស្រូវ សាច់ ឬអាហារកំប៉ុងផ្សេងៗនោះទេ
សុទ្ធតែត្រូវការស្វែងរកទីផ្សារដើម្បីលក់ដូរ ។ ប៉ុន្តែបញ្ហាសំខាន់គឺ បរិមាណ
និងគុណភាពនៃផលិតផល ជាចំណុចចម្បងក្នុងការប្រកួតប្រជែងរវាងផលិតផលមួយ
និងផលិតផលដទៃទៀត ដែលត្រូវនាំចូលទីផ្សារ ។ មានផលិតផលមួយចំនួនត្រូវបានបង្ខំលក់ក្នុងតម្លៃទាប
អាស្រ័យដោយហេតុផលមួយចំនួន ដែលធ្វើឲ្យផលិតផលទាំងនោះមិនមានទីផ្សារ ឬមិនអាចប្រកួតប្រជែង
ទីផ្សារបាន ។
មូលហេតុសំខានាំៗ
ដែលបណ្តាលឲ្យម្ទេសមិនមានទីផ្សារ ឬមិនអាចប្រកួតប្រជែងទីផ្សារបាន
ឬត្រូវលក់ក្នុងតមៃ្លថោក គឺអាស្រ័យដោយម្ទេសមានពណ៌មិនល្អ
ម្ទេសមានស្នាមបំផ្លាញដោយសត្វល្អិត ឬជំងឺ ម្ទេសនៅខ្ចី ម្ទេសទុំជ្រុល
ការបាត់បង់ជាតិទឹកច្រើនពេក ម្ទេសមានទំហំតូចពេក ម្ទេសមានរូបរាងមិនល្អ
ម្ទេសសម្ងួតមិនគ្រប់គ្រាន់ ម្ទេសរលួយ ការផ្គត់ផ្គង់លើសនៅលើទីផ្សារ
តម្រូវការទីផ្សារទាបជាដើម ។
No comments:
Post a Comment